港人非洲追鯊見濫捕製翅

【明報專訊】近年大家講求宴席唔食魚翅，以示不支持捕獵鯊魚取鰭嘅殘暴行徑。來自環保組織嘅港人佘國豪除咗言論上支持唔食翅外，去年更「膽粗粗」同一個攝製隊，去到非洲莫桑比克潛水追尋鯊蹤，揭示當地濫捕鯊魚製魚翅嘅情况。


Emily早前同佘國豪傾起，佢話喺當地親睹鯊魚被拖上岸及活活割下魚鰭，慨嘆原來當地水域鯊魚量已急跌，當地人更話等足一天見到一條鯊魚，已經算幸運！

除咗當地人捕鯊過程，佘與攝製隊更將探討人類對海洋生物同生態造成嘅連串影響，包括佢喺非洲見識過嘅魚翅同活珊瑚魚貿易、發展旅遊業，同埋馴養海豚表演等。有興趣了解魚翅議題嘅市民，可以今晚起一連5個星期一，晚上7點喺無綫翡翠台節目《海底交易》睇睇。