梁卓偉專心做院長

【明報專訊】新上任嘅港大醫學院院長梁卓偉教授（Gabriel），曾經喺曾蔭權政府時代做過食物及衛生局副局長同特首辦主任，都算熟悉政壇，而近日梁振英班子正值多事之秋，所以佢噚日同行家茶敘時就畀人問，有冇信心做滿5年院長任期，而唔再被挖角入政府「更上層樓」，Gabriel就話，自從舊年返嚟港大，已經「百分之二百」專注工作，而且上任後要處理瑪麗重建、港深醫院同港怡醫院營運，已經有排忙。


問佢有冇慶幸自己唔喺「熱廚房」之中，Gabriel話自己喺大學工作15年，中間去過政府，係一個「更大、更廣闊嘅層面」，但強調咁多年來每日工作都好開心。


「百分之二百」專注

至於舊年卸任特首辦主任、出任港大社會醫學系主任，到家做埋醫學院院長，已經係3年內第三個新崗位，轉變已習以為常，但啱啱先返咗12日新工，唔會咁快轉工咁話。