「幫港出聲」以畫諷佔中三子

【明報專訊】反對佔領中環嘅「幫幫香港 出聲行動」喺8月8日正式宣布成立，今日喺報章刊登題為〈你會出聲嗎？〉嘅全版廣告（見A9），廣告中有諷刺佔中三子嘅佔中人物圖畫，3人用石頭擲向中環；「幫港出聲」呼籲市民支持。佔中三子講明搞公民抗命會和平進行、罵不還口，呢個「幫港出聲」廣告，唔知係咪睇死對方做唔到和平運動？


畫三子用石頭掟中環

「幫港出聲」之前喺facebook開咗個page蒐集市民支持，目標係要集齊10萬個like。如果你願意付出時間或精力，可以登記成為支持者，一旦登記，可優先參加佢哋嘅活動。


fb儲like 視為「不想香港衰決定」

不過，如果你未諗清楚，Emily喺度提醒大家，幫港行動會將你每一個like，視作「一個全心全意不想香港『衰』的決定」。假如你仍然希望留意佢哋嘅消息，但又唔想畀like，可以選擇將佢加入interest list，如果真心支持，咁先like啦。