保釣會尋釣島石

【明報專訊】保釣行動委員會登島行動，因為保釣船「啟豐二號」有40多項地方要改善，未合規格，因此押後出海。委員會除要爭分奪秒修理隻船外，噚日佢facebook仲公開尋找釣魚島石！

指方曉松有份拎石

原來保釣行動委員會去年登島後，島走6石，點知部分參加行動人未經同意下走部分石，包括深圳保釣者方曉松。保釣行動委員會主席羅就話，方曉松當日話要借石去做展覽，應承今年3月歸還，點知拖到家都未見影。羅就話至今委員會只番其中3粒石，咁點解只公開方曉松一個名呢？羅就解釋，因為方曉松公開對外講自己有釣魚島石，其他人無佢咁高調，以和為貴，所以呢一刻只開住一個名先，佢仲好肯定方曉松係大石！

羅就話委員會可以出海仲成功登島，全賴有隻船同市民捐錢，因此6石唔屬於任何個人，而係屬於委員會甚至全港市民，佢原本計劃將6石捐畀特區政府或博物館，但都要睇政府態度係點先。