忙拍嘢 白健恩唔去建制派論壇

【明報專訊】星期日特首梁振英（CY）會去觀塘搞地區諮詢會，Emily噚日提到，有部分撐梁組織去唔到支持，好似「中港青社聯」當日晏晝3點要喺政府總部東翼廣場搞政改論壇，主講嘉賓仲包括廉政公署前執行處副處長徐家傑，同埋一啲演藝界人士，主辦單位曾經提到將會出席嘅，包括參加過「香港先生」嘅白健恩。


白健恩噚日就重申，星期日有拍攝工作在身，所以唔會出席，而佢家人亦唔希望佢涉及任何政治活動，發聲明係唔想主辦單位以為佢臨時缺席咁話。