特首辦勸記者唔好做扒

【明報專訊】特首梁振英聽日就會落觀塘做地區諮詢會，對新聞界嚟講喺大新聞，而相信CY都想新聞機構多啲報道佢，但係Emily就聽到，電視台噚日收到政府新聞處人員「提醒」，叫電視台記者喺諮詢會進行期間唔好「做扒」，即係唔好開咪開攝影機做即場報道。


特首辦澄清話，唔係想阻記者做報道，而只係想溫馨提示記者，費事做扒騷擾現場觀眾喎。


有線電視新聞總監馮德雄話，佢哋一貫立場係唔會阻住人哋舉行活動，至於聽日會否「做扒」，純粹按新聞採訪需要，有需要至做。