與CY對質女主播離職

【明報專訊】亞視女主播吳秀華（Fifi，圖）離職，被指同佢喺今年一月施政論壇上同特首梁振英對質有關。吳秀華噚日喺facebook同朋友講，施政論壇後的確聽到有梁粉投訴，最感慨係上司無力撐咁話。佢話當時都想離開，但有朋友擔心，外人會覺得佢係引咎辭職，咁至暫時留低。佢話覺得過去半年情况「愈來愈惡劣」，咁啱有其他工作安排，決定離職；又感嘆「亞視染紅」已經唔係新聞。


Fifi當日喺施政論壇話，CY嘅理念政策同前特首董建華好似，問點解董建華年代無辦法解決嘅問題，CY覺得自己同團隊有乜過人之處，會覺得自己搞得掂。


Fifi 呢個月19日係最後一日返工。外界盛傳佢過檔OneTV（亞太第一衛視），但佢到家都未正式宣布去向。Emily噚日向亞視負責人了解事件，但聯絡唔上。


盛品儒親戚辭亞視董事

Emily噚日翻查亞視董事資料，發現執行董事盛品儒爸爸嗰邊嘅親戚盛毓敏，6月20日已辭亞視董事。通訊事務管理局舊年初調查亞視嘅報告，就建議解除盛品儒嘅管理職務。