換肝換腎健兒 運動會又金又銀

【明報專訊】「世界移植運動會」上個月喺南非舉行，香港派出20名獲器官捐贈嘅康復者參戰，結果攞到14金12銀11銅，創歷年佳績。參賽健兒噚日搞咗祝捷會，當中年紀最細、11歲嘅蘇子玲最搶鏡，唔單止攞到50米田徑、跳遠加單人保齡球3面金牌，仲拎埋25米蛙泳銀牌同羽毛球單打銅牌。患先天膽管閉塞嘅子玲話，好彩7個月大時接受媽咪活體肝移植，先有今日嘅健康身體，好多謝媽媽無私嘅愛。


移植運動會 港隊豐收

至於最年長參賽者金綺紗，憑74歲之齡拎到保齡球、3公里競步兩面金牌，仲有擲木球銀牌。金婆婆1993年確診晚期腎衰竭，好彩有人捐腎，13年前做手術後生猛番晒，今次係佢首次參加國際運動賽。Emily真係好戥佢哋開心！