再收「龐sir」信 毛孟靜：似求愛

【明報專訊】立法會議員毛孟靜（Miss Mo）早前收到署名退休警司龐衛龍嘅信，內容有恐嚇成分，搞到要去報警；噚日佢又收到「龐sir」「第二封公開信」，封信話自己無恐嚇過Miss Mo，亦無政治目的，但叫Miss Mo反省一下，「也許真的要『孟』子翻生才能夠把你『靜』化」，仲話如果Miss Mo痛改前非、修成正果，可以做香港首個女特首。


Miss Mo話封信「得啖笑」，無再覺得被恐嚇，因為自己充滿幽默感，仲話朋友睇完覺得對方好似「求愛不遂」。不過Miss Mo就好不滿對方用恐嚇咁嚴重嘅事開玩笑，仲話今日會將呢封信畀埋警察，希望快啲破案。