無家者盃 港隊超英趕美

【明報專訊】喺波蘭舉行嘅無家者世界盃前晚完結，由露宿者組成嘅港隊今年前後12場比賽取得6勝6負，最後喺45隊入面排第36，雖然比史上最佳成績第24位低，但排名「超英趕美」，高過排42嘅美國同43嘅英國。


賽事安排同香港國際七人欖球賽有啲似，先有兩輪分組賽，港隊喺9場波入面贏咗4場，晉身6級別盃賽制入面第五級嘅「The Cup of Tolerance（寬容盃）」。港隊喺寬容盃3場淘汰賽入面，先與德國打成6:6，互射12碼輸；之後同瑞士互射12碼取勝；最後一場以5:1大勝盧森堡，奪得寬容盃第五名。圖為隊員惜惜獎牌。