廠商會訪京又捐錢

【明報專訊】政制及內地事務局前副局長黃靜文正式上任廠商會行政總裁，噚日會長施榮懷就帶埋黃靜文同傳媒見面，施榮懷話佢一心諗住搵政府中人出任呢個位，又透露下年廠商會80周年一系列活動，包括有訪京團、搞大型晚宴，以及研究緊捐助某本地大學，包括設獎學金等。


捐錢予大學 肯定過千萬

該會副會長陳淑玲就話，捐助大學筆錢肯定多過1000萬。


會長加入「幫港出聲」

廠商會每年最盛大嘅活動都應該係工展會，陳淑玲話廠商會都會趁呢個機會幫基層，今年目標幫1萬個基層家庭，每個家庭畀500蚊佢哋入工展會掃貨，仲包埋專車接佢哋去。


家政治環境變化大，施會長坦言商界都好頭痕，但其實商人最着緊生意，未必有時間諗咁多。不過講開佔領中環，佢就表明反對，話一旦發生真係影響太大，報販、茶餐廳都受嚴重影響，佢仲透露自己都加入咗周融等人成立嘅「幫港出聲」，如果有需要，佢都會考慮捐錢支持呢個活動。