麗新新CEO 專搞M&A

【明報專訊】今時今日的金融光景，叫投行人唔轉行都唔得，去企業做高級管理層其實都係唔錯選擇。年僅39歲的高盛前Banker葉采得獲麗新製衣（0191）搵過去做CEO。


呢位年輕才俊曾經喺最高貴投行高盛做咗8年，一直做到中國區M&A（收購兼併）部門嘅阿頭。從M&A專家轉行到製衣企業阿總，都幾惹人遐想。


高盛做8年 中國區併購阿頭

葉采得喺高盛貴為董事總經理及中國區併購總監，工銀亞洲和小肥羊的私有化「大刁」都由佢經手，行內唔少人都識得佢。


葉采得入高盛之前，又喺電盈（0008）做過，擔任創投與併購部之副總裁，負責策略性投資及併購交易。麗新今次用年薪780萬港紙請來葉采得做CEO，都幾捨得。


年薪780萬 或多做併購

麗新間公司亦都幾重視人才，之前搵周福安幫手，做副主席兼執行董事，家又請來投行M&A專家做一把手，唔知係唔係想以後做多啲併購業務，擴大生意呢？

另一邊廂，中環人慣唔慣實業生涯，都幾值得觀察下。


email: [email protected]