誤報賊仔「搭直升機逃走」 記者被翻舊帳

【明報專訊】網絡世界無奇不有，噚日facebook上突然廣傳曾喺無綫、亞視工作，現商台首席記者談美琪2007年時喺商台一段新聞錄音，Emily聽番聲帶，當年10月4日，觀塘翠屏邨一名78歲婆婆被一個男人用硬物扑頭昏倒，婆婆媳婦聽到怪聲開門查看，「目睹匪徒乘搭直升機逃走」。咪住，搭直升機？原來談美琪當日誤將升降機讀錯做直升機啫。


錯誤聲帶無厘頭重現後，談美琪即時喺facebook道歉，話「犯下嚴重的錯」，但當年其實已經即時更正。商台方面亦證實事發後已即刻重錄聲帶更正。


中大新聞與傳播學院教授蘇鑰機話，除非錯誤內容涉及公眾利益或損害他人利益，要喺新聞時間宣讀更正聲明，否則電台同電視等重錄新聞就可以。