英領館借王室BB推銷

【明報專訊】英國王室BB出世引起全球追嬰熱，正在力推「軟實力外交」嘅英國政府，當然唔放過呢個機會推銷英國貨啦。英國總領事館噚日搞咗個嬰兒用品展，希望本地批發商同零售商幫吓呢啲牌子登陸香港或者提高銷量。


全場最矚目嘅係王妃凱特同王子喬治都有用、王室御用品牌Bloom and Blossom嘅母親及嬰兒用按摩油，但呢個牌子喺香港暫未有售，正同本地兩間大型高級百貨公司傾緊合作。展覽仲有BB車牌子Sliver Cross，呢個王室專用品牌好巴閉，英女王細個時已經坐住佢周圍去。不過若想去睇下呢個展覽就唔好意思，展覽噚日只舉行一天。