葉劉慶生日 歌頌生女好

【明報專訊】新民黨主席葉劉淑儀上周六（24日）63歲生日，囡囡Cynthia就幫媽咪搞咗生日party，令到媽咪好感動，仲有感而發，佢喺生日party中講仔女經，話都係生女好，叫人如果第一胎唔係生女，就應該追多個，而如果都係生仔，咁最緊要揀個好新抱。佢話講笑話﹕「各位朋友，若有得選擇，揀新抱時不妨『篩選』一下啦！」


葉劉生日，喺facebook感謝囡囡分別喺23同24日安排喺公司及蘭桂坊嘅餐廳為佢慶生，佢並感謝出席嘅同事朋友，仲有生日禮物收，葉劉話有佢哋喺度，派對總是笑聲不絕。


至於咁多份生日禮物中，葉劉話最重要一樣係自己送畀自己嘅，就係照顧自己健康！佢話早前去養和醫院做體檢，醫生話佢身體非常好，「個人認為，這是最值得慶祝的」。葉劉身體好，又有親友支持，話自己更有動力繼續努力服務香港。