黃秋生參選藝發局委員

【明報專訊】每年管理1.2億元經費嘅藝術發展局，擁有對藝團、藝術節目撥款嘅大權，所以好受業界重視。藝發局成員部分由特首委任，亦有10個「民選委員」，由10個唔同藝術界別選出，提名期啱啱結束，關心時事、不時喺網上發表政見嘅藝人黃秋生（圖），趁噚日最後一日提名期，循戲劇界別報名參選，挑戰競逐連任嘅中英劇團藝術總監古天農，另外兩個對手，包括舞台劇導演梁永能同藝術工作者謝健民。


根據藝發局網站，新一屆藝發局成員任期喺2014年1月生效，提名期噚日結束，8500幾個選民將喺10月6至7號投票，選出各界別代表。除咗黃秋生，其他較為人熟悉嘅參選者，包括平時較多評論時事嘅王慧麟，佢報名參與藝術評論界別，同一界別仲有演藝評論家盧偉力，著名歌唱家費明儀就循音樂界別參選。


上屆嘅民選委員導演杜琪峰、粵劇演員阮兆輝，今次就無再循佢哋所屬界別參選。