信頭出現簡體字 許德亮大叫無辜

【明報專訊】家香港成日講本土文化，官方文件用簡體字就好容易被網民鬧，但油尖旺區議員許德亮向區議會呈交嘅文件，抬頭就係簡體字。


許出動原版證清白

不過，許德亮就大喊無辜，話自己唔識睇簡體字，點會用簡體字呢？佢話，份文件用電腦打字，當時係用繁體字格式，然後傳送到區議會秘書處，開會時先至睇到文件有簡體字。


佢噚日仲專登向區議會秘書處問過究竟，相信應該係秘書處嘅電腦軟件格式轉換出問題咁話。


許德亮呢份簡體字文件，格式有啲怪，因為枱頭字句係簡體，但內文全係繁體。許為證清白，噚日仲email份原裝格式文件畀Emily睇。


為舖津無受惠叫苦

講番份文件，其實係8月22日區議會討論議員辦員辦事處津貼。佢話，房署會喺屋邨預留舖位畀當區議員，收4000幾元租金，但油尖旺幾乎無屋邨，議員全部要租私人舖，捱萬幾蚊租，好唔公平，所以叫政府應該正視一下喎。