新聞類別
港聞
詳情#
【明報專訊】開學喇，學生哥要收拾心情，做父母嘅亦好關注，喺議會內唔少後生啲嘅議員，仔女仍在求學，為佢哋準備開學亦要親力親為，其中民建聯陳恒鑌（Ben）囡囡今年入幼稚園讀K1，8月底已經開咗學，阿Ben大呻開學費用成幾千蚊，佢都好肉痛。
雜費幾千蚊 阿Ben呻肉痛
通常小朋友返學初期都會喊得好犀利，但阿Ben話個女之前讀咗半年幼兒班，加上比較健談，第一日返學完全無喊，仲「頭也不回」咁行入學校，而Ben當日亦親自送阿女返學，幫佢影吓相咁，佢前幾日仲接阿女放學，搞到阿女不知幾開心。不過，佢話用喺校服、書包、工具、茶點用具、皮鞋等開學物品已經用咗三四千蚊，都咪話唔肉痛。
陳家洛4女波蘭買嘢
喺政壇出名多小朋友嘅陳家洛，4個女都喺求學階段，佢亦做好晒開學準備，連早排搬屋都係一腳踢，至於買衫、買鞋等工夫，幾個女放暑假返波蘭時亦喺當地處理好，都唔使點煩。佢話功課方面一直唔使點操心，而大女家讀緊共產時期嘅歷史，佢都係畀吓意見，借書畀個女睇就OK。
其實家洛自己都要開學，喺浸大教書嘅佢今日都要上堂，今個學期要教兩科，佢亦趁暑假編好晒課程。
梁繼昌想下年親子渡海泳
會計界梁繼昌家庭生活比較低調，佢大女今年升中三、細仔升小四，做老竇嘅都要親力親為，睇吓仔女嘅書簿文具係咪齊備，校服就由太太負責。佢話由於學校暑假唔算多功課，所以小朋友喺暑假開始一星期已經做完，佢亦無逼佢哋上太多暑假班，只係多啲體育活動，仲話想阿仔下年同佢一齊游渡海泳
雜費幾千蚊 阿Ben呻肉痛
通常小朋友返學初期都會喊得好犀利，但阿Ben話個女之前讀咗半年幼兒班，加上比較健談，第一日返學完全無喊，仲「頭也不回」咁行入學校，而Ben當日亦親自送阿女返學，幫佢影吓相咁，佢前幾日仲接阿女放學，搞到阿女不知幾開心。不過，佢話用喺校服、書包、工具、茶點用具、皮鞋等開學物品已經用咗三四千蚊，都咪話唔肉痛。
陳家洛4女波蘭買嘢
喺政壇出名多小朋友嘅陳家洛，4個女都喺求學階段，佢亦做好晒開學準備，連早排搬屋都係一腳踢，至於買衫、買鞋等工夫，幾個女放暑假返波蘭時亦喺當地處理好，都唔使點煩。佢話功課方面一直唔使點操心，而大女家讀緊共產時期嘅歷史，佢都係畀吓意見，借書畀個女睇就OK。
其實家洛自己都要開學，喺浸大教書嘅佢今日都要上堂，今個學期要教兩科，佢亦趁暑假編好晒課程。
梁繼昌想下年親子渡海泳
會計界梁繼昌家庭生活比較低調，佢大女今年升中三、細仔升小四，做老竇嘅都要親力親為，睇吓仔女嘅書簿文具係咪齊備，校服就由太太負責。佢話由於學校暑假唔算多功課，所以小朋友喺暑假開始一星期已經做完，佢亦無逼佢哋上太多暑假班，只係多啲體育活動，仲話想阿仔下年同佢一齊游渡海泳
回應 (0)
