黃國英做中旅團「特別」嘉賓

【明報專訊】著名「芬佬」黃國英冇幾耐前先搞完場talk show，話咁快又有新j ob喇。近日中旅社推出咗個中山兩日遊旅行團，宣傳單張上印住有黃國英「分享財經知識」，乍看之下仲以為佢要賺外快兼乘機relax吓。不過問過黃國英後，先知原來佢係為咗答謝中旅社之前贊助佢個騷，至去做嘉賓。


呢個旅行團名額只限40人，黃國英話之前已經響佢主講嘅投資課程中，向班學生預告咗個活動，所以推出首日，即刻收到10個人報名。


本以為黃國英會去晒兩日嘅行程，但原來佢day 2先加入，響午餐時間做一至兩個鐘財經分享會，之後就走。問起到時打算分享咩投資貼士，黃國英就賣晒關子、好含糊咁話︰「都係就住近期發生嘅事，講吓點樣部署個倉咁，再建議一、兩隻股票」。黃國英平時開講座都過千蚊堂，但今次個旅行團只收費1199蚊，有得玩又有得聽，都幾抵嘅。


email: piano@mingpao.com