中電高層學低溫煎牛扒

【明報專訊】近年流行低溫慢煮，以50至80℃嘅穩定溫度慢慢將食物煮熟，保存顏色、鮮味及營養。中電候任總裁潘偉賢（左）同機電工程署署長陳帆（右），噚日喺中電「綠倍動力環保節能機構」嘉許計劃時，向名廚幟哥黃永幟（中）學低溫烹調牛扒。


潘偉賢同陳署長喺幟哥協助下煎得有板有眼，同場嘅嘉賓大讚牛扒質感嫩滑兼夠juicy。


其實佢哋搞咁多嘢，都係想宣揚節能，亦幫中電做宣傳。幟哥其實係中電大客仔，旗下酒樓幾年前已轉為電能廚房。幟哥話，仲記得當初係中電工程師同佢分享低溫煮食技術，大家傾談之下，再結合佢嘅廚藝心得，所以諗到喺中式酒樓引入低溫煮食爐，慳錢之餘，仲可以提升食物質素咁講。