謝偉銓帶人上廣州

【明報專訊】暑假有人唞暑去玩，亦有人選擇密密做，好似建築、測量及都市規劃界立法會議員謝偉銓（左前二），就先後去咗緬甸、馬來西亞熱帶雨林等地，日前搞咗個廣州考察團，帶同業界後生仔拜訪當地建委及規劃部門，實地考察當地城市改造、保育、活化、重建等。


呢個3日團有35人，除咗拜訪，仲有參觀活動，包括去咗廣州西關大屋建築保護區、荔枝灣涌、紅專廠創意藝術區等保育及活化園區。呢張相就係佢哋坐船睇荔枝灣涌，嗰度曾有防洪用途，現已保育。