被棄唐狗變第一偵緝犬

【明報專訊】唔少人都會有養寵物嘅霎時衝動，但熱情過後貓狗就要面對被遺棄命運。4個月大時被主人遺棄嘅雄性唐狗Noodle，被送到漁農自然護理署動物管理中心，好在由漁護署檢疫偵緝犬隊選中，展開新生，佢更加係全港首隻唐狗成為檢疫偵緝犬，至今「服役」9個月。


百厭愛四圍索 偵緝啱晒

Emily噚日喺政府新聞網睇到有關Noodle嘅介紹，負責揀選狗狗入伍嘅訓練員嚴道亨話，有啲主人覺得寵物百厭，唔適合家中飼養而遺棄佢哋，但若狗狗鍾意四處尋索同咬嘢，反而適合訓練做偵緝犬㗎。原來偵緝犬學習10至12種動物氣味，咁就幾乎能認出所有動物氣味，嚴道亭舉例話，偵緝犬分到雞嘅氣味，就可以同時認出鴨、鵝等家禽同雀鳥嘅味，認得到一種蛇嘅氣味亦可以分辨其他蛇類。


家漁護署有9隻偵緝犬，肩負重要使命嘅Noodle，每日用靈敏嗅覺，喺各個入境口岸偵緝非法進口嘅走私野生動物同動物產品，偵緝犬隊仲讚Noodle適應力強、唔怕陌生環境