選美活動見「家是香港」

【明報專訊】為凝聚香港人，香港政府今年搞咗個「家是香港」活動，將一啲港人活動「冠名」，望大家參加時好似一家人咁。而「家是香港」同選美有無關係，大家就要用少少創意諗吓喇！


香港小姐、亞洲小姐我哋聽得多，原來香港有一個中華文化小姐全球大賽，呢個選美目的係要「傳承、傳播五千年美麗中華文化」，同埋「為海內外華夏女性提供一個放飛夢想的平台」。主辦機構仲將呢個選美同「家是香港」拉上關係，宣布國慶日會嚟個「家是香港•香車美人賀國慶」，一眾佳麗到時會坐住古董車四圍遊同大家見面。


正當Emily以為政府贊助咗呢個活動，但睇番「家是香港」嘅活動列表上面又唔見有，可能一切只係巧合撞埋同一個口號啩。


（李澤彤攝）