失聰者可手指指論佔中

【明報專訊】佔領中環嘅商討日未必一定要用口講，指指點點都可以商討。佔中三子近日密密出席不同嘅政改研討會，解釋佔中意義，為D-day 2熱身。為令失聰同聽障人士都可以明白佔中意義，發起人之一戴耀廷將於9月18日喺理大舉行一場專為失聰者而設嘅佔中研討會，與約30人一齊「手指指」論佔中。


團體「聾耳」特此拍咗一系列聾人公民教育系列短片配合宣傳，整段短片無字幕、用手語，唔識手語嘅Emily一隻字都睇唔明，但就更加體會到聾人無字幕輔助嘅苦况。除此以外，「殘疾人士監察特首施政大聯盟」將於10月5日舉行另一場大型研討會，與百多名殘疾人士一齊共商政改方案。