慈善獎券附海天堂券

【明報專訊】博愛醫院近日喺街頭售賣每張10蚊既慈善獎券，獎券一如以往附有一啲購物優惠券，Emily噚日買咗一張，見到有海天堂現金代用券，標明「憑券以現金正價購買瓦盅裝膏類產品滿50元，可作$10使用」。海天堂近日被指部分龜苓膏無龜板成分同發霉，老闆已現身反駁澄清，噚日仲登廣告話已經喺兩地報警同委託律師處理。市民呢排係比較關注，但Emily諗買咗獎券嘅善長無乜所謂嘅，都係一心想做善事啫。另外，博愛仲義賣保健湯包（$30）同埋福米（$10），想做善事又有得食嘅善長，可以考慮吓。