李澤鉅妻子獲贈10萬股長實

【明報專訊】噚日港交所（0388）嘅權益披露顯示，長實（0001）副主席李澤鉅喺長實嘅股權，多咗10萬股，令到總持股去到9億3841萬股。小琴起初仲以為係李澤鉅自己增持，後來睇真啲，發現呢10萬股，係歸佢太太王儷橋（原名為王富信）所有。長實發言人後來透過新聞稿，交代係因為上個禮拜五（即係9月13號），李澤鉅因太太獲贈長實10萬股股份，所以李澤鉅根據證券及期貨條例，被視為增持咗股份。但到底呢筆股份係邊個送畀王儷橋，新聞稿就未有交代。


未有交代誰送股

翻查權益披露的資料，長實主席李嘉誠名下嘅長實股權，有43.33％，李澤鉅名下股權，只有40.51％。即係李嘉誠揸住嘅部分長實股份，只係歸佢自已名下，而非李澤鉅所有。


市值1164萬

按照噚日長實個收市價116.4元計數，王儷橋手持呢批股份市值1164萬元。雖則對比起李氏家族副身家嚟講，可能零頭都唔夠，但絕對唔算筆細數了。