台北「香港週」介紹香港長衫

【明報專訊】由港台文化合作委員會主辦嘅「香港週2013@台北」將會喺11月29號於台北正式開展，今年會有4個展覽同兩個藝術表演節目，向台灣嘅朋友呈現一個人文薈萃、創意無限嘅香港。其中喺台北嘅港人蒲點誠品信義店，會有《百年時尚﹕香港長衫故事》展覽，介紹富香港時代特色嘅長衫，仲會展出已故巨星鄧麗君著過嘅長衫。


誠品信義店展出

而喺華山1914文化創意產業園區會有《身是客》展覽，畀台灣朋友欣賞唔同嘅香港藝術家，利用設計、音樂、錄像等方式表達現代人與城市同文化嘅關係，當中仲會展示已故香港詩人也斯（梁秉鈞）去年創作嘅新詩。


此外，仲會有《香港設計風•流》同《漫漫畫雙城：台北80 X 香港90》展覽、《梵志登的蕭五》音樂會同舞蹈詩劇《蘭亭•祭姪》。