《國殤之柱》作者 高志活順利入境

【明報專訊】創作《國殤之柱》嘅丹麥雕塑家高志活（Jens Galschiot）繼2008年及2009年兩度被拒入境香港後，噚日上午著住件橙色西裝入境，就連支聯會副主席蔡耀昌都喺facebook大嘆「難得可以順利入境」。


逗留一周 去十一遊行

高智活係「橙色運動」發起人，理念係將黃色加入代表中國嘅紅色以示支持中國人權，喺08年前嚟過香港兩次。08年北京奧運，支聯會以橙色做主題，高志活諗住到港將《國殤之柱》油成橙色，但被原機遣返；09年，高智活諗住嚟香港出席六四20周年活動，同樣被拒入境。


高智活今次會喺香港逗留一個星期，下星期二兩點去銅鑼灣，出席支聯會十一遊行，當然會去探吓《國殤之柱》。Emily聽聞，港大前排起百周年校園時搬動過國殤柱，高智活今次就會同港大學生會實地觀察傾吓點維修。