夏千福過澳門掃墓

【明報專訊】外交部官員以至特首梁振英，連日來發言批評外國官員評論本港政改，日前高調話支持香港有真正普選嘅美國駐港及澳門總領事夏千福 （Clifford A. Hart）就繼續港澳出巡，今次佢唔係試食，而係掃墓，到首任總領事Thomas Waldron墓前獻花，肅立致敬。


佢話Thomas Waldron令美中兩國人民關係變得更加密切，對佢所付出嘅努力，衷心表達敬意。


夏千福喺領館facebook上載致敬相片。Emily好奇，查咗維基百科，原來Thomas Waldron1844年喺澳門過身，終年30歲，安葬澳門基督墳場Old Protestant Cemetery。


喺2009年，時任美國國務卿希拉里舉行儀式，表揚幾位任內去世嘅駐外領事，而Thomas Waldron就喺其中一位。


有網民喺facebook留言，話Thomas Waldron嘅祖父係美國獨立戰爭英雄，出身顯赫。亦有網民話，又唔見內地官員來港時，會去蔡元培等故人先烈陵墓致祭。