紅白藍袋茶具得獎

【明報專訊】香港公園嘅茶具文物館有個「陶瓷茶具創作展覽2013」，結集咗今屆參賽嘅87名參賽者，合共105組精選陶瓷茶具創作。展品包括一套以紅白藍袋做概念嘅茶具，創作人古少卿話想用呢個設計表達港人情意結，「紅白藍代表刻苦、堅忍，這正是香港精神。同時，我想向刻苦工作的香港人說，勞碌工作外，也要偷閒喝一杯茶，休息一下」。


展覽有唔少具創意作品，學生組季軍作品《最緊要快》，圓圓嘅茶壺同小小嘅茶杯「長出」3隻腳，設計者蔡慧然同學話，想表達港人要比人走快一步嘅香港精神。展覽直至2014年9月8日，大家有時間經過香港公園，不妨去品味一下香港茶文化。