國殤之柱父子復修 周三再上油

【明報專訊】創作《國殤之柱》嘅丹麥雕塑家高志活，噚日同阿仔夾手夾腳展開復修國殤柱嘅工作，佢話呢件雕塑有15、16年歷史，但狀况算唔錯，只係當年搬到香港大學期間，令表面有啲裂痕，相信花幾千港元買材料，一兩日就搞掂，周三可以再上油。


高志活曾經被港府拒絕入境，佢估計今次順利入境，與事前未有向外界公布有關，佢仲話想參加十一國慶遊行，亦支持佔領中環行動。