張華峰西裝襯波鞋有因

【明報專訊】開證券行嘅立法會金融服務界議員張華峰平日西裝骨骨，噚日佢就以西裝襯波鞋，出席佢所屬嘅經民聯地區辦事處開幕。佢話平日著開嘅皮鞋個底已經蝕咗，但見對鞋無爛又唔捨得丟咗佢換對新鞋，所以拎咗去畀人補，噚日咪要著波鞋囉。


唔係成日出席經民聯活動嘅鄉議局主席劉皇發亦到場，政務司長林鄭月娥作為辦事處開幕嘉賓，一見發叔就話要約佢食飯，記者問發叔會唔會同司長傾堆填區，發叔無正面回應，只係話乜都會傾。


（劉焌陶攝）