嶺大授銜林鄭做博士

【明報專訊】政務司長林鄭月娥做咗33年政府公務，家仲係政府問責團隊嘅重臣，Emily要恭喜林太，因為佢將增添一頂博士四方帽。嶺南大學宣布，林太「以理性和公平為原則的依法施政之間取得平衡」，11月21日向佢頒發社會科學榮譽博士學位。據了解，呢個係林太首個博士榮銜，唔知屆時特首梁振英（CY）會唔會冒住學生抗議嘅風險，到場親自主持頒授儀式呢？


無獨有偶，曾任嶺大校董會主席嘅CY，喺2009年亦獲頒授社會科學博士榮譽學位，而CY喺英國、香港及山東等地4所大學都已獲榮譽博士學位。


講番嶺大，除咗林太，另有3名傑出人士獲頒榮譽博士學位。非洲電影導演加斯頓．吉恩-瑪麗．卡波里（Gaston Jean-Marie Kaboré）及88歲的廣東南音藝術唱家吳詠梅獲頒人文學榮譽博士學位，嶺大前校董會成員黃伯鏗則獲頒法學榮譽博士學位。