詩姐落力拗腰

【明報專訊】前律政司長梁愛詩噚日去尖沙嘴文化中心廣場，出席泰山公德會舉行「手牽手心連心」為癌症病人籌款慈善活動。詩姐唔單止致辭時呼籲市民「弘大愛」支持癌症病人同佢家屬，仲落力拗腰，一齊做「弘大愛」手語，做到個「大」字。

手牽手心連心慈善行動主席車淑梅大讚詩姐好有心，以過來人身分支持活動。詩姐致辭時話，希望社會可以發揮大愛精神，支持癌症病人。而真普聯前日公布2016年立法會選舉方案，噚日難得見到詩姐，好多記者都問佢呢個方案有無違反《基本法》，詩姐就話噚日場合唔適合答咁嚴肅問題。