陳偉業廁所遇「卿姐」？

【明報專訊】立法會噚日召開內務委員會同財務委員會會議，60幾位議員暑假後再聚頭，搞出唔少笑料。話說當內委會討論公民黨議員郭家麒提出引用權力及特權法查發展局長陳茂波動議，大嚿陳偉業竟然話啱啱喺廁所同前財委會主席講呢個問題。大家即時打個突同大笑，因為前財委會主席係劉慧卿。


大嚿此言一出，在場嘅議員即刻問佢喺男廁、女廁定係殘廁遇上卿姐，民建聯鍾樹根仲笑住話「使唔使引用P&P （權力及特權法）去查吓佢哋有咩「景轟」