處長：入境不分顏色

【明報專訊】美國國會因未能通過新財政年度臨時撥款預算案，搞到美國政府暫停非必要業務。Emily上星期五民主黨黨慶見到美國總領館副領事羅大成（Robert Kokta），就問候佢，羅大成話，領館暫時除常規簽證同美國公民服務外，其他範疇只維持有限度服務，facebook亦會減少更新，不過本周發生咩事就無人知。

羅大成又話，如果大家有咩餐廳想介紹畀美國駐港總領事夏千福，仲可以facebook話畀佢聽。Emily於是順應網民意見建議夏千福去食明將壽司啦，仲有行家建議不如去明將搞傳媒茶敘！羅大成講笑話如果第日去明將搞傳媒活動，可以搞競食大賽！

Emily日仲見到入境處長陳國基，梗係要問佢點解發起橙色運動創作《國殤之柱》藝術家高志活08、09年入境香港被拒，今年過關時一除件橙衫即可入境啦！不過，陳處長話入境從來不分顏色，仲話好多人著橙衫都入到境喎。