林超英為山脊線「刪摩廈」

【明報專訊】曾經將發展郊野公園作為住宅嘅建議形容為「思想癌細胞」嘅天文台前台長林超英，噚日寫blog，今次就玩改圖，自言用粗糙嘅電腦技術，展示兩幅港島圖片，其中一幅係改圖，展示高樓插穿嘅香港山脊線，話當年如果城市規劃指引得到嚴格遵循，今日香港島會有一個典雅雍容嘅山脊線，唔會好似家咁多高樓大廈高過山脊線。


林超英咁講，唔知胡應湘會點諗，因為作為地產建設商會副會長嘅胡應湘曾經話，保留一定郊野公園比例係不切實際同愚蠢，認為香港係彈丸之地，應以解決人住屋問題為先。