半影月食 下周六埋位

【明報專訊】天文台話，香港下個禮拜六（19日）將會短暫出現「半影月食」，即係到時月球將會走入地球嘅半影，令月光略為轉暗，但唔係好似月全食咁，成個月球消失於天空。另外，今次半影月食會喺朝早5點48分開始，時間都幾早，唔知各位天文發燒友有無興趣起身睇呢？


朝早5點48分 西九屯門可見

天文台話由於月食時月亮仰角頗低，要睇嘅話就要去可以見到西方地平線嘅地方，例如西九龍、屯門、長洲等。但因朝早出現，當日6點22分就會月落，所以香港就睇唔晒成個月半影過程，到喉唔到肺。


不過，今次睇唔到唔緊要，天文台話下年10月8號，香港就會再一次見到月全食，如果今次起唔到身睇，下年都可以再戰「足本月食」。