魔術奧斯卡華人得主 年底港開騷

【明報專訊】首個獲得被譽為魔術界奧斯卡「美國梅林獎」（The Merlin Award）嘅華人鄺健雄噚日訪港，宣布會喺12月13、14號在港開騷，表演包括將女兒懸浮至6米高、憑空變出10歲孫兒等魔術。佢話自己成名於融合魔術及舞台劇，今次香港呢套The Magic Nova係要向港人宣揚聖誕節信息，為港人帶來正能量。


來自新加坡嘅鄺健雄，雙親都係廣東人，所以識講廣東話，佢話每次來港玩都好開心。身兼牧師、社工、魔術師3職嘅佢，2010年攞到國際魔術師協會頒發嘅梅林獎，佢話對獲獎感驚訝，因為自己只係一心娛樂大眾。


為咗宣傳，鄺健雄噚日預演準備喺香港表演嘅魔術，邀請一個廣州電視台記者上台表演懸浮魔術，最後將記者懸浮至1米高。今次個騷成本2000萬，會喺亞洲博覽會舉行，門票10月15日開始發售。