紫禁城珍品

【明報專訊】何鴻毅家族基金努力之下，爭取到一批紫禁城珍品首次出國，喺加拿大展出，到時當地市民就有機會欣賞，一飽眼福。


呢個展覽叫《紫垣擷珍——故宮博物院藏明清宮廷生活文物》，明年3月8日起喺多倫多皇家安大略博物館舉行，展覽會透過紫禁城嘅書畫、陶藝、布藝、裝飾品和建築等，訴說皇宮裏嘅人同事、政府運作、宮廷典章與禮節，以及帝王生活，當中更有部分展品從未喺中國以外地區展出㗎！

何鴻毅家族基金能夠撮合故宮同加拿大兩方，出力之餘仲有出錢，不過，佢哋賣關子，未有公開數目。至於展覽最終有幾多展品，據知故宮仍然安排中，遲啲有新料會再同大家講。