新聞類別
財經
詳情#
【明報專訊】環保意識日漸抬頭，家唔少新樓，都極之注重綠化和環保設計，一嚟配合潮流，二嚟樓盤買家亦都愈來愈鍾情有關設計，因此可以幫樓盤增值。信和置業（0083）最近就出版咗一本叫做《匠心•綠韻》嘅著作（圖），將該集團過去10年嘅園境與環保設計結集成圖冊，仲由信和「太子爺」黃永光親自寫序推介，宣揚環保意識之餘，賣書所得仲將會捐予相關嘅慈善機構添。
有買家因為花園啱心水入市
信和發展部園境設計總經理劉志剛噚日向小琴推介《匠心•綠韻》，話一個樓盤或商場建築出色嘅綠色園林設計都要經得起時間考驗，譬如話種出嚟嘅樹，甚至獲獎嘅垂直綠化項目，時間愈耐，就會生得愈茂盛和美麗，令到住戶覺得更賞心悅目咁話。
另外，從環保角度出發，譬如用唔用「循環水」來灌溉，又或者用唔用高科技令到植被，每年只係需要淋水一次，樣樣都係考驗。劉志剛話，他去外地旅行和工作，最緊要嘅「節目」往往係睇其他地方點樣將樹木種得靚一靚，又話會諗辦法睇吓點樣將佢哋移植來香港。
劉志剛表示，家一啲信和現貨樓，因買家可觀察樓盤現狀，不少準買家都曾經因為覺得個樓盤嘅園境同綠化啱心水，結果加快買樓嘅決定，所以可以話出色嘅園境和綠化，確實可以幫樓盤增值。
email: piano@mingpao.com
有買家因為花園啱心水入市
信和發展部園境設計總經理劉志剛噚日向小琴推介《匠心•綠韻》，話一個樓盤或商場建築出色嘅綠色園林設計都要經得起時間考驗，譬如話種出嚟嘅樹，甚至獲獎嘅垂直綠化項目，時間愈耐，就會生得愈茂盛和美麗，令到住戶覺得更賞心悅目咁話。
另外，從環保角度出發，譬如用唔用「循環水」來灌溉，又或者用唔用高科技令到植被，每年只係需要淋水一次，樣樣都係考驗。劉志剛話，他去外地旅行和工作，最緊要嘅「節目」往往係睇其他地方點樣將樹木種得靚一靚，又話會諗辦法睇吓點樣將佢哋移植來香港。
劉志剛表示，家一啲信和現貨樓，因買家可觀察樓盤現狀，不少準買家都曾經因為覺得個樓盤嘅園境同綠化啱心水，結果加快買樓嘅決定，所以可以話出色嘅園境和綠化，確實可以幫樓盤增值。
email: piano@mingpao.com
回應 (0)
