風箏高手獻技 搞唔掂肥鴨

【明報專訊】來自世界各地嘅風箏，噚日喺數碼港海濱公園上空飄揚。由南區區議會首次主辦嘅《乘風而行—數碼港風箏同樂日》，邀請咗內地、日本同印度等地嘅風箏團體來港獻技，包括日本傳統嘅浮世繪六角風箏、以印度神像為主題嘅巨型風箏等，此外，中國濰坊獨樹一幟嘅龍頭蜈蚣風箏、色彩豐富嘅沙燕風箏亦成為焦點。不過，濰坊隊試放鴨風箏就唔成功喇，晤知係咪鴨鴨太肥呢？


長達25米嘅龍頭蜈蚣風箏喺大師王永訓手下，輕易飛上天際，吸引在場風箏愛好者駐足觀看，並報以熱烈掌聲。王永訓同佢嘅團隊即場傳授傳統風箏製作手藝，令市民認識「紮（架子）、糊（紙面）、繪（花彩）、放（風箏」技巧，佢仲喺數碼港商場內示範無風放飛技術，令人讚嘆不已。