九巴「被執笠」報警

【明報專訊】前晚網上謠傳九巴會宣布破產，話九巴董事總經理何達文仲同運輸署長楊何蓓茵傾緊安排，又話有車長稱「唔知點算」，同一個post仲叫坐九巴返學學生要提早出門口迫港鐵……咁大件事，即時引網民關注，有人仲留言話「唔通聽日（昨日）要迫港鐵？」最後當然係假啦，九巴仲報警。

搞到咁大件事，發布消息個網民幾個鐘頭之後就社交網站道歉，承認「玩大」，向所有畀佢呃人道歉，「希望各位原諒我呢位巴膠」，以後發言會小心、唔會再犯呢低級錯誤。

不過，九巴發言人就話，對於有人網上惡意發放九巴宣布破產謠言，造成公眾不安，有關言論屬虛假造，已經報警處理，九巴並保留權利向造謠者及相關引發失實言論追究法律責任。