鼠戰中環籌300萬

【明報專訊】港島噚日好熱鬧，下午有市民遊行表達關注免費電視發牌，而早上喺中環，就有460名奇裝異服嘅朋友穿梭中區商廈鬧市，玩「鼠戰中環2013」慈善障礙賽，為關注精神健康問題嘅「思健」籌到300萬善款。活動由置地公司舉辦，參賽隊伍穿上繽紛嘅創意服飾，腳踏跑鞋，喺賽道上克服以商業世界挑戰為主題嘅障礙。勝負唔重要，參加者都話最緊要玩得開心，又可以做善事！