男拔舊生亞太合唱奪冠

【明報專訊】拔萃男書院嘅合唱團攞過唔少獎，更難得係學生畢業後依然有把靚聲，繼續「唱好」母校招牌。Emily聽聞，男拔舊生合唱團上星期喺印尼美娜多舉行嘅「第三屆亞太合唱比賽」，擊敗來自18個國家地區嘅134隊合唱團，攞到「公開組全場總冠軍」及「公開組男聲冠軍」，作為男拔合唱團指揮嘅校長鄭基恩（箭嘴示）真係飲得杯落。


喺男拔教音樂同英文嘅鄭校長，曾於美國伊利諾伊州大學修讀音樂碩士，2007年獲國際音樂團體頒發「指揮家獎狀」。


校長督師 挫134隊伍

今次佢親率50名20至70歲嘅舊生獻唱中西樂曲，包括有濃厚中國色彩嘅《垓下曲》，講述楚漢戰爭中項羽一方失勢仍拚死一戰嘅複雜心情，男拔隊伍展現中國音樂嘅深沉同優美打動評判。據悉，呢個比賽被視為亞洲區最重要嘅合唱賽事，男拔係唯一來自中國嘅團隊。


（男拔提供）