TCL與應科院研發4G產品

【明報專訊】TCL通訊（2618）近年由生產傳統手機逐漸轉型至智能手機，成績十分唔錯，最近仲發盈喜指首三季度成功扭虧為盈。要在智能手機市場突圍而出，當然講求創新研發，噚日TCL同香港應科院簽約作長期策略合作，專注喺4G產品應用及未來5G制式通訊嘅基礎技術嘅研究。


TCL集團主席李東生昨日當然有到場出席儀式。近期唔少科技公司踩入電視行業，特別喺樂視、小米都來勢洶洶，同系TCL多媒體（1070）近月嘅銷售表現麻麻。李董被問到點睇這場電視大戰，雖然佢講明唔方便評論個別對手，但仍自信咁話，從來不擔心更多新挑戰者入場，又強調多人競爭，才證明電視行業有前途，不是夕陽產業。