陳太：煮餸唔用雞汁

【明報專訊】「雞汁」最近成為潮語，前政務司長陳方安生噚日接受商台訪問話，無睇無綫節目同劇集好多年，不過閒時鍾意烹調嘅陳太，似乎都知呢排興講雞汁，佢透露煮餸唔鍾意用雞汁，多數落雞湯或者直接煲雞。主持人問陳太覺得亞視點解仲生存到？陳太話可能有不可告知嘅原因，但如果政府繼續畀牌亞視，好難說服公眾咁話。


至於向被裁香港電視員工伸出「同情之手」嘅無綫，大前晚喺《東張西望》呼籲舊將回巢，通訊局收到嘅相關投訴再升，截至噚日共有56宗，比前日27宗多成倍，主要係不滿無綫用大氣電波播「求職資訊」，令人反感。