馬化騰等3000萬人仔捐母校

【明報專訊】騰訊（0700）股價一飛冲天，創辦人發財之餘，也立品。內地傳媒噚日話，由馬化騰等4名騰訊創辦人聯合創辦嘅騰訊公益慈善基金會，向馬化騰母校深圳大學捐贈3000萬人仔。呢筆捐款係深圳大學成立以來喺獎勵教師學生領域收到最大嘅一筆捐款，而所有錢話明要用於深圳大學嘅師生身上。


身家百億美元的馬化騰，其母校深圳大學創辦於1983年。即使係現在，深圳大學響內地亦都只係一間普普通通嘅大學。馬化騰當年考入深大時，該校成立不過6年時間，以內地爭崩頭入名校、唔係名校學歷就搵不到好工嘅升學文化來講，馬化騰當年入讀深大真係好有「勇氣」。


深大校友 不乏商界猛人

不過，唔知是否受到深圳呢塊福地影響，深大校友中倒是不乏商界傳奇。


最知名的就有騰訊創辦人馬化騰、騰訊首席技術官張志東，仲有巨人集團創辦人史玉柱都係深大培育出來嘅。