新聞類別
港聞
詳情#
【明報專訊】社民連「長毛」梁國雄星期日晚踢波整親腳，搞到左腳骨折脫臼，家仲瞓緊醫院。長毛噚日同Emily講，佢今日都應該未出到院，所以可能要缺席一次逢星期三嘅立法會大會，但佢會爭取今個星期五離院，希望下個星期三可以去到立法會，投票支持引用《特權法》調查政府發出免費電視牌照風波。
不過，由於長毛隻腳要6個星期先好番，所以下周三可能要坐輪椅去立法會。長毛隻腳啱啱做完手術，仍要留意有無細菌感染，醫生仲特製咗隻可以充氣嘅鞋畀佢，充氣時可以逼緊啲肌肉，加速佢隻腳康復。希望長毛早日如願！
（李澤彤攝）
回應 (0)
