「383方案」＝「散吧散」？

【明報專訊】早喺幾個月前，關於三中全會嘅消息已經滿天飛，有關概念股亦水漲船高，而愈近會議召開嘅日子，散水嘅味道就愈濃郁。噚日三中全會終於定喺下個月9號召開，咁啱國務院發展研究中心提出一份「383方案」，早段仲好地地嘅中港股市應聲倒跌，有網民就講笑話，「383」根本就係「散吧散」（普通話諧音），提醒各位股民要盡快散水。


事實上，睇番噚日個市，如果唔係有內銀股撐住，跌過百點唔出奇。一孩政策可能放寬嘅消息一出，奶粉股即現回吐；太陽能同風電亦有好消息，但新能源板塊全線插水，睇黎呢啲消息真係見光死，一出就散水。


有網民更加以「散吧散」為題，作咗首詩，內容話的確係散水，不過係貪官將錢散到外國，「能賣的要抓緊賣完……貪官肥美竄國外，只等樹倒猢猻散」。